Reunión con responsables da Consellería de Medio rural e Mar
O presidente da Asociación de Minoristas del Puerto de A Coruña, Amando López Gil, reunirase nos próximos días con responsables da Consellería de Medio Rural e Mar para charlar sobre as etiquetas identificativas do peixe.
Os peixeiros da Coruña prevén a campaña do Nadal ´máis pobre´ en anos
- Entrevista realizada por Jacobo Caruncho e publicada en La Opinión de A Coruña o día 16 de decembro de 2012
AMANDO LÓPEZ GIL PRESIDENTE DOS DETALLISTAS
 |
<<Os peixeiros da Coruña prevén a campaña do Nadal ´máis pobre´ en anos >>"Os vendedores de mercados e peixarías destacan o repunte dos clientes que compran o marisco con antelación para conxelar - A cigala é o produto que máis escasea este ano"Os postos de venda coruñeses de peixe e marisco tremen ante a chegada do Nadal. A escaseza de produtos, os seus altos prezos e a situación económica fan que a Asociación de Minoristas del Puerto de A Coruña espere unha campaña "pobre", a peor nos case cinco anos de crise, nos que xa notaron un importante descenso de vendas. A cigala, un dos mariscos estrela desta época, escasea, ao igual que o camarón. Ademais, os vendedores destacan que este ano hai máis xente que nunca que decide facer as súas compras con antelación, para despois conxelar e aforrar así os "disparatados prezos" que alcanzan os produtos do mar nos últimos días do ano. "Os detallistas temos unhas previsións de vendas que se corresponden co que está a sufrir todo o país. Esperamos unha campaña do Nadal pobre", afirma o presidente da asociación de detallistas coruñeses, Amando López. "Se en anos anteriores a xente xa ía apertada, este ano vaise apertar aínda máis", engade. |
Dános a vida que mellorase a pesca de litoral
- Entrevista realizada por J. Caruncho e publicada en La Opinión de A Coruña o día 16 de decembro de 2012
AMANDO LÓPEZ GIL PRESIDENTE DOS DETALLISTAS
<<Dános a vida que mellorase a pesca de litoral>>
"Non entendemos as paradas biolóxicas que marca a Xunta"
Dende que se constituíu, en 2010, a Asociación de Minoristas del Puerto de A Coruña perdeu socios co paso dos anos, ata chegar ao centenar que son a día de hoxe. O mesmo acontece cos postos de venda, que ascenden a entre 300 e 400 na cidade coruñesa. O seu presidente, Amando López, explica que a redución se debe á crise e ás xubilacións, pero que seguen adiante grazas ao peixe do día e a calidade dos seus produtos fronte aos das grandes superficies.
Índice de Comercio polo miúdo (ICM)
Conforme aos datos publicados o pasado luns polo Instituto Nacional de Estatística sobre o Índice de Comercio polo miúdo (ICM), a taxa de variación interanual do ICM alcanza o 12,6% no mes de setembro, dez puntos por enriba da taxa rexistrada en agosto.. O comercio minorista acumula un descenso nas súas vendas do -6% nos nove primeiros meses de 2012, respecto ao mesmo período do ano precedente.
A desagregación por tipo de productos mostra un descenso na variación anual en todos os seus compoñentes: en Alimentación mostra unha variación anual do -5,9%, aínda que as maiores taxas negativas alcanzanse no Resto de productos (-16,8%). Entre estes últimos, o Equipamento do fogar (-21%) é o que experimenta a maior caída; pola súa banda, o Equipamento persoal (-7,7%) tamén obtén un importante descenso nas súas vendas.
Xunta Directiva de CEAT nacional
O pasado xoves 22 de novembro celebrouse Xunta Directiva de CEAT nacional, á que asistiu a Ministra de Emprego e Seguridade Social ofreceu os seguintes datos e informacións:
Nos últimos doce meses incrementouse un 15% a cifra de autónomos con empregados. En concreto, foron 54.358 autónomos máis.
Nun ano incrementouse un 2'10% a cifra de traballadores contratados por autónomos.
O 13% dos autónomos (en total 800.000) ten empregados ao seu cargo.
Segundo a EPA, hai 108.000 autónomos máis dende principios de ano.