Impartido o curso Manual de autocontrol para a súa peixaría gratuítamente

  FEDEPESCA (Federación Nacional de Asociacións Provinciais de Empresarios Minoristas de Peixes e Produtos Conxelados), coa colaboración da Asociación de Minoristas de Pescados del Puerto de La Coruña e a colaboración financeira do FEP e do Ministerio de Agricultura, Alimentación e Medio desenvolveu unha sesión formativa experimental en autocontrol e implantación individualizada da Guía de Prácticas Correctas de Hixiene do sector como parte do proxecto FEDEPESCAINNOVA.

  A implantación do sistema APPCC é obrigatoria para todas as empresas alimentarias, por iso deseñamos este curso, no que cada alumno utilizou unha aplicación informática que á vez de realizar unha auditoría da súa peixaría sobre o grao de cumprimento da normativa de sanidade, adapta de forma individualizada os rexistros e requisitos que se deben cumprir.

  O obxectivo desta formación é que os establecementos de peixaría conten cun sistema de seguridade e hixiene alimentaria conforme coa lexislación vixente.

  Ao finalizar o curso entregouse a cada peixaría participante o manual de autocontrol e os rexistros adaptados ao seu establecemento e actividade. Deste xeito poderá pasar calquera comprobación da inspección sanitaria relativa á obriga de ter implantado o autocontrol, ademais poderá obter o recoñecemento equivalente ao antigo certificado de manipuladores de alimentos.

  A sesión formativa realizouse con 5 alumnos nas instalacións da Asociación de Minoristas de Pescados del Puerto de La Coruña, o luns día 14 de maio de 2012 en horario de mañá.