Normativa sobre bolsas de plástico en comercios

O Real Decreto sobre redución de consumo de bolsas de plástico para cumprir co fixado na lexislación europea non foi publicado aínda, por tanto, hai que esperar á súa publicación para que se produza a entrada en vigor e saber cal é a data na que se empezan a aplicar as medidas.

O obxectivo desta nova normativa é a redución do seu consumo en España. O Proxecto de Real Decreto establece as seguintes medidas:

1. A partir do 1 de marzo de 2018:
   1. Prohíbese a entrega gratuíta aos consumidores de bolsas de plástico, fóra das bolsas de plástico moi lixeiras.
   2. Os comerciantes cobrarán unha cantidade, por cada bolsa de plástico que proporcionen ao consumidor.
   3. Os comerciantes informarán os consumidores dos prezos establecidos, expoñéndoos ao público nun lugar visible.
2. A partir do 1 de xaneiro de 2020:
   1. Prohíbese a entrega de bolsas de plástico lixeiras e moi lixeiras, agás se son de plástico compostable.
   2. Prohíbese a entrega aos consumidores de bolsas de plástico fragmentables.
   3. As bolsas de plástico de espesor igual ou superior a 50 micras conterán unha porcentaxe mínima do 30 % de plástico reciclado.

Así mesmo, a Comisión Europea ha presentado unha estratexia para tentar frear a produción de residuos plásticos. A medidas clave desta estratexia contra os plásticos son:

1. Para o ano 2030, todos os envases de plástico do mercado da Unión Europea terán que ser reciclables facéndoos menos contaminantes e racionalizando o deseño para enfocalo á reutilización cando sexa posible.
2. Redución do consumo de plásticos dun só uso.
3. Impulsar a innovación e o investimento na fabricación de novos materiais plásticos, máis fáciles de reciclar, e a eficiencia das técnicas de reciclaxe.
4. Creación dunha comisión de seguimento para medir os avances nesta transición cara a unha economía do plástico circular.