imprimir

FEDEPESCA e a Unión de Consumidores de Galicia asinan un convenio de colaboración coa Asociación de Minoristas de El Puerto de A Coruña

Noticia de La Alacena Roja publicada o 22 de decembro de 2017

A Asociación de Minoristas de El Puerto de A Coruña firma un convenio de colaboración con FEDEPESCA e a UCGAL- Ver noticia completa en el sitio web de La Alacena Roja A Unión de Consumidores de Galicia, a través do seu secretario xeral, Miguel López; A Asociación de Minoristas de El Puerto de A Coruña, a través do seu presidente, Amando López Gil; e Fedepesca, por medio da súa directora xerente, Mª Luisa Álvarez, asinaron un convenio de colaboración co fin de establecer liñas de traballo no ámbito do consumo e a alimentación dos produtos pesqueiros e acuícolas. Entre as accións previstas atópase o traballo conxunto en proxectos orientados ao mercado pesqueiro, o desenvolvemento de estratexias nutricionais encamiñadas á mellorar da alimentación dos cidadáns co peixe como protagonista, o impulso dunha alimentación saudable que mellore a calidade de vida, así como deseñar campañas orientadas a promover e difundir os beneficios nutricionais dos produtos pesqueiros entre os consumidores, realizar actividades para o fomento do asociacionismo e achegar o comercio especializado na venda de produtos pesqueiros aos consumidores.

A Asociación de Minoristas de El Puerto de A Coruña firma un convenio de colaboración con FEDEPESCA e a UCGAL A directora xerente de Fedepesca destacou, na firma do acordo, a importancia que para os detallistas especializados na venda de produtos pesqueiros ten colaborar moi activamente cos representantes dos consumidores para mellorar a información que teñen sobre o peixe e aclarar todas as cuestións respecto dos produtos que venden os peixeiros profesionais, así como poder contar con esta organización para “coñecer mellor as demandas do consumidor galego e poder atender todas as súas necesidades”. Pola súa banda, Amando López, presidente da Asociación de Minoristas de Puerto de A Coruña, resaltou a importancia do asociacionismo e, por tanto, a firma deste convenio como medio para fomentar o mesmo en Galicia, así como o labor do “comercio especializado na venda de produtos pesqueiros galego que está a realizar nestes momentos importantes campañas de promoción”.

Ver noticia no sitio web de La Alacena Roja

Ver noticia no sitio web de La Opinión de A Coruña

Ver noticia no sitio web de Industrias Pesqueras