Índice de Comercio polo miúdo (ICM)
Conforme aos datos publicados o pasado luns polo Instituto Nacional de Estatística sobre o Índice de Comercio polo miúdo (ICM), a taxa de variación interanual do ICM alcanza o 12,6% no mes de setembro, dez puntos por enriba da taxa rexistrada en agosto.. O comercio minorista acumula un descenso nas súas vendas do -6% nos nove primeiros meses de 2012, respecto ao mesmo período do ano precedente.
A desagregación por tipo de productos mostra un descenso na variación anual en todos os seus compoñentes: en Alimentación mostra unha variación anual do -5,9%, aínda que as maiores taxas negativas alcanzanse no Resto de productos (-16,8%). Entre estes últimos, o Equipamento do fogar (-21%) é o que experimenta a maior caída; pola súa banda, o Equipamento persoal (-7,7%) tamén obtén un importante descenso nas súas vendas.
A evolución mensual do indicador mostra unha caída nas vendas do -9,6% de agosto a setembro de 2012. As cifras de vendas do comercio minorista derrúbanse, polo tanto, no mes de setembro motivadas principalmente polo aumento do IVE e o fin da tempada estival de rebaixas.
Todos os modos de distribución sufriron descensos nas súas vendas no mes de setembro, sendo as empresas unilocalizadas (comercio tradicional), as que obteñen a taxa máis baixa (-15,3%) aínda que seguida de preto polas grandes superficies (-14,8%) e pequenas cadeas (-14,1%). Pola súa banda, as grandes cadeas constitúen o formato que obteñen o menor descenso (-5,5%).
Por territorio, as vendas minoristas descenden en taxa interanual en todas as comunidades autónomas. Os maiores descensos alcánzanse en Murcia (-15,8%) e Andalucía (-14,5%). Na Comunidade de Madrid o -13,2%.
No que respecta ao emprego, a taxa interanual de ocupación do sector minorista no mes de setembro mantense no -1,2%. Todos os modos de distribución rexistran taxas interanuais negativas, agás Grandes cadeas,, que incrementa a súa ocupación un 0,9% respecto ao mesmo mes do ano anterior. Por comunidades autónomas, o emprego descende en todas elas respecto a setembro de 2011; os menores descensos corresponden a Cataluña (-0,2%) e Castela-A Mancha (-0,3%). ENa Comunidade de Madrid o -0,7%.