Novos rostros do asociacionismo portuario
- Entrevista realizada por Dolores Vázquez e publicada en La Voz de Galicia (en castelán) o día 3 de xullo de 2012
AMANDO LÓPEZ GIL PRESIDENTE DOS DETALLISTAS
 |
<<O tema das cotas é difícil de entender>>Insiste na necesidade de buscar a unión para loitar polos intereses do colectivoAmando López Gil (1958, A Coruña) leva dende marzo á fronte da Asociación de Detallistas do Porto, da que foi socio fundador. Traballa na venda de peixe dende hai 25 anos e recorda que a entidade foi creada no 2000 como resposta á intención de implantar a venda vespertina. |
Cantos son?
Socios somos 85, aínda que detallistas nin o sabemos, pero agora debemos ser de 300 a 400. A redución que houbo nos socios, xa que chegamos a ser 200, débese a xubilacións e á situación económica. O asociacionismo en Galicia é difícil de conseguir, agora intentamos darlle un impulso, mellorar a información que se ofrece. A directiva da Lonxa mostrounos tamén o seu apoio.
Cales son a súas pincipais demandas?
Necesitamos o que calquera traballador, estar unidos, para se hai un problema afrontalo de xeito colectivo, porque é máis doado. Somos todos autónomos, na asociación son poucos os que teñen empregados. Somos xente que traballa nos mercados municipais, na venda ambulante ou na peixaría. A maioría levantámonos ás catro e media, para chegar á lonxa, e trabállase alí ata as oito da mañá, para despois ir aos nosos negocios.
Notan a crise?
Si, ninguén pode dicir que non lle afecte. Este sector non é alleo. Ademais, hai menos barcos, sobre todo a frota de altura, de Gran Sol. Por diferentes motivos foi desaparecendo unha parte moi grande. A maioría dos detallistas compramos na lonxa do día, pero tamén hai unha parte de nós que se nutre de Gran Sol. Ademais, moitos exportadores que antes compraban nas lonxas que vendían peixe de altura agora búscanse a vida onde antes non o facían, onde o facemos nós, con peixe do día.
Non obstante, os resultados das descargas foron crecendo
Viñamos dunha etapa de escaseza e nos últimos anos estase a manter. Pero hai cousas difíciles de entender, como que non se comercialicen algunhas especies. Hai unha concienciación grande dentro do sector e chama a atención que se poña en veda a pescada aos seis meses do ano, malia que é o único que sobra. O tema de cotas é difícil de entender, cando estamos aí día a día e vemos o que hai.
Canto do que se vende corresponde aos detallistas?
Os detallistas somos unha parte fundamental. Hai detallistas que compran máis que un exportador.
Os detallistas son parte fundamental do porto, hai algúns que compran máis que un exportador