Albaranes, persecución sen fundamento ao elo máis débil: O comerciante polo miúdo

  Ultimamente percibimos que estamos a ser sometidos a unha serie de controis tan intensos, que parece que en lugar de ser parte fundamental do sostemento económico deste país, que o somos, sen dúbida, sexamos uns delincuentes. Hai que lembrarlles a quen corresponda, tanto políticos, como funcionarios armados, que grazas a xente como nós, xente tratada de forma moi hostil, seguen cobrando o seu soldo.

  Si, estamos indignados. Non se deben aplicar normativas obsoletas da forma que o fan vostedes, hai que revisalas, hai que adecualas aos novos tempos. Nós por suposto que tamén somos moi conscientes que hai que garantir a trazabilidad dos produtos alimentarios, pero entendemos que coa etiqueta identificativa, etiqueta completísima, onde figura toda a información importante que se esixe, é máis que suficiente. A partir desta etiqueta pódese seguir o rastro de todo produto, barco que o capturou, días da marea, casa subastadora, rexistro sanitario, comprador do peixe, etc. Son datos que estan aí, ao alcance dos funcionarios.

  Con todo parécenos que a alguén lle gusta máis complicarnos a vida, en lugar de aceder aos devanditos datos.

  Pedimos que se revisen estes protocolos de actuación a quen corresponda. Non imos seguir asistindo impasibles a esta persecución. Non se nos debe comisar peixe por puros formalismos sen fundamento.

  Necesitamos poder exercitar o noso dereito ao traballo sen ter que sentir a ameaza constante desa espada de Damocles sobre as nosas cabezas.

  Por último diremos que desde esta Asociación estamos como corresponde, a favor do cumprimento das normas, así como tamén á devandita revisión das mesmas, para adecualas aos novos tempos.